ແລະ ສະຖານເອກອັກຄະຣາຊະທູດ ແຫ່ງ ຣາຊະອານາຈັກ ໄທ ປະຈໍາ ສປປ ລາວ, ອົງການໄອຍະການປະຊາຊົນສູງສຸດ ແລະ ທະນາຄານ ແຫ່ງ ສປປ ລາວ ໄດ້ຈັດກອງປະຊຸມລະດັບຊາດ ໃນຫົວຂໍ້: “ຍົກສູງການຕ້ານການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ: ເສັ້ນທາງ ຂອງ ສປປ ລາວ ໃນການປະຕິບັດມາດຕະຖານສາກົນ ກ່ຽວກັບການຄຸ້ມຄອງ, ການບັງຄັບໃຊ້ກົດໝາຍ, ຕຸລາການ ແລະ ການຮ່ວມມືລະຫວ່າງປະເທດທາງອາຍາ” ຂຶ້ນໃນລະຫວ່າງ ວັນທີ 25-26 ມີນາ 2025 ທີ່ ຫໍປະຊຸມແຫ່ງຊາດ, ນະຄອນຫຼວງວຽງຈັນ ພາຍໃຕ້ການເປັນປະທານກ່າວເປີດກອງປະຊຸມ ໂດຍ ທ່ານ ສະເຫຼີມໄຊ ກົມມະສິດ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ຜູ້ຊີ້ນໍາວຽກງານຂົງເຂດເສດຖະກິດ ແລະ ການພົວພັນຮ່ວມມືກັບຕ່າງປະເທດ ມີທ່ານ ຄໍາເພັດ ສົມວໍລະຈິດ ຮອງຫົວໜ້າອົງການໄອຍະການປະຊາຊົນສູງສຸດ, ທ່ານ ນາງ ຂັນແກ້ວ ຫຼ້າມະນີເງົາ ຮອງຜູ້ວ່າການທະນາຄານ ແຫ່ງ ສປປ ລາວ, ທ່ານ ໂທມາດ ລຳມາ ອຸປະທູດ ແຫ່ງ ຣາຊະອານາຈັກ ລຸກຊໍາບວກປະຈຳ ສປປ ລາວ, ທ່ານ ນາງ ມໍລະກົດ ສີສະຫວັດ ຮອງເອກອັກຄະຣາຊະທູດ ແຫ່ງ ຣາຊະອານາຈັກໄທ ປະຈໍາ ສປປ ລາວ, ທ່ານ ລີຊາດ ຟີລິບປຣາ ປະທານ ສະຖາບັນຊ່ວຍເຫຼືອດ້ານກົດໝາຍ ແລະ ວິຊາການ ແຫ່ງ ຣາຊະອານາຈັກລຸກຊໍາບວກ ເຂົ້າຮ່ວມ. ຈຸດປະສົງໃນກອງປະຊຸມຄັ້ງນີ້:ແມ່ນເພື່ອສ້າງຄວາມຮັບຮູ້ ກ່ຽວກັບອົງການຕ້ານການຟອກເງິນ ແລະ ການສະກັດກັ້ນ ແລະ ຕ້ານການສະໜອງທຶນໃຫ້ແກ່ການກໍ່ການຮ້າຍ ໂດຍສະເພາະ ບົດຮຽນຂອງຕ່າງເທດ ກ່ຽວກັບການນຳເອົາປະເທດອອກຈາກບັນຊີສີເທົາຂອງອົງການຕ້ານການຟອກເງິນ ໂດຍໄດ້ເຊື້ອເຊີນຜູ້ຊ່ຽວຊານພາຍໃນ ແລະ ຕ່າງປະເທດ, ອົງການຈັດຕັ້ງສາກົນ ມາແລກປ່ຽນບົດຮຽນ ໂດຍມີ ພະນັກງານຂັ້ນກົມລົງມາ ໃນຂັ້ນສູນກາງ ແລະ ທ້ອງຖິ່ນຄື: ອົງການໄອຍະການປະຊາຊົນ, ທະນາຄານ ແຫ່ງ ສປປ ລາວ, ສານປະຊາຊົນ, ຫ້ອງວ່າການ ສໍານັກງານນາຍົກລັດຖະມົນຕີ, ສໍານັກງານປະທານປະເທດ, ຂະແໜງການ ກວດສອບ, ແຜນການ ແລະ ການລົງທຶນ, ພາຍໃນ, ປ້ອງກັນຄວາມສະຫງົບ, ຕ່າງປະເທດ, ການເງິນ, ອຸດສາຫະກໍາ-ການຄ້າ, ກະສິກໍາ-ປ່າໄມ້, ຍຸຕິທໍາ, ກວດກາລັດ, ມະຫາວິທະຍາໄລ, ສະພາທະນາຍຄວາມ ແລະ ຂະແໜງການອື່ນໆ.
ໃນກອງປະຊຸມຍັງໄດ້ຮັບຟັງການນຳສະເໜີກ່ຽວກັບ ພາລະບົດບາດຂອງຄະນະທົບທວນການຮ່ວມມືສາກົນ (ICRG) ຂອງອົງການ FATF ຂໍ້ກໍານົດການລາຍງານຂອງຄະນະການຮ່ວມ (Joint Group) ຜົນກະທົບທາງເສດຖະກິດທີ່ອາດເກີດຂຶ້ນຂອງ ບັນຊີສີເທົາ FATF, ການບໍລິຫານຈັດການຂະບວນການ ICRG ແລະ ການລາຍງານ JG ສຳລັບ ສປປ ລາວ, ເວທີເສວະນາ ໜ່ວຍງານຫຼັກທາງດ້ານວຽກງານ AML/CFT ຂອງປະເທດຕ່າງໆ ແລະ ບົດຮຽນທີ່ຖອດຖອນໄດ້ ໃນເວລາຢູ່ພາຍໃຕ້ໄລຍະຂະບວນການ ICRG, ຄວາມສໍາຄັນຂອງການຮ່ວມມືສາກົນ ທາງດ້ານວຽກງານ AML/CFT ທີ່ມີປະສິດທິພາບ ການກູ້ຄືນຊັບສິນທີ່ໄດ້ຈາກການກໍ່ອາຊະຍາກໍາ ການຮ່ວມມືທີ່ເປັນທາງການ ແລະ ບໍ່ເປັນທາງການ, ການແກ້ໄຂຕາມລາຍການແຜນການປະຕິບັດງານ ICRG ແລະ ການຈັດຕັ້ງປະຕິບັດທີ່ມີປະສິດທິຜົນ, ຂະບວນການຮ່ວມມືລະຫວ່າງປະເທດທາງອາຍາ ຂອງ ສປປ ລາວ, ການຟອກເງິນ: ການຮິບຊັບທາງແພ່ງ ແລະ ການດຳເນີນຄະດີທາງອາຍາ ແລະ ບົດຮຽນຂອງປະເທດໄທ ຜົນກະທົບຈາກ ບັນຊີສີເທົາ ຕໍ່ຂະແໜງການທະນາຄານ.
ທ່ານ ສະເຫຼີມໄຊ ກົມມະສິດ ໄດ້ຍົກໃຫ້ເຫັນວ່າ: ກອງປະຊຸມໃນຄັ້ງນີ້ ສຸດທີ່ມີຄວາມສຳຄັນ ແລະ ຮຽກຮ້ອງໃຫ້ ຜູ້ແທນກອງປະຊຸມ ຈົ່ງພ້ອມກັນຄົ້ນຄວ້າ, ປະກອບຄໍາເຫັນ ແລະ ແລກປ່ຽນບົດຮຽນໃນແຕ່ລະບັນຫາ ດ້ວຍຄວາມຮັບຜິດຊອບສູງ, ສ້າງສັນ ແລະ ມີປະໂຫຍດສູງສຸດ ແລະ ນຳເອົາບົດຮຽນອັນດີ ທີ່ໄດ້ ມາໝູນໃຊ້ ເຂົ້າໃນການຕ້ານການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ, ການນໍາເອົາປະເທດເຮົາອອກຈາກບັນຊີສີເທົາຂອງອົງການຕ້ານການຟອກເງິນສາກົນ, ຕ້ານ ແລະ ສະ ກັດກັ້ນອາຊະຍາກຳຂ້າມຊາດ ຢ່າງມີປະສິດທິຜົນ, ປະກອບສ່ວນເຮັດໃຫ້ປະເທດເຮົາ ມີຄວາມສະຫງົບ, ຍຸຕິທໍາ ແລະ ສີ ວິໄລ ຢ່າງບໍ່ຢຸດຢັ້ງ.
(ຂ່າວ: ບຸນຕອມ- ພາບ ບຸນອຸ້ມ)
ຄໍາເຫັນ